Sekilas Info

TALI HULALENG

LURUS SANG JARONG

Orangtatua deng basudara tuang hati jantong!

Virus corona nih biking samua orang su babingong!

Sander: Abang e, keadaang nih akang skang jadi apa e?

Acim: tuang tau lai Sander e

Sander: la katong musti bagumana?

Acim: tar tau lai

Sander: la kalu samua tar tau la skang jadi apa deng katong lai?

Acim: tau mi

Sander: ao, ini samua tau padahal tar tau la skang bagumana lai nih?

Acim: sapa tau

Sander: ini su pamalas istori deng beta ka su babingong?

Acim: itu yang beta tar tau. Mau bilang pamalas deng se, bisa batul lai tagal dar’ mart sampe su maso bulang sambilang nih, cuma nganga se sa. La saban bakudapa, istori korona sa, tar laeng lai, sampe beta su bale bingong lai. Kamuka-kamuka tuh tar parcaya, la jadi parcaya, mar bale macang su tar parcaya baru kumbali lai nih

Sander: beta lai abang e

Acim: la par se skarang nih katong musti bagumana?

Sander: tau lai

Acim: maksudnya musti ator apa ka sapa ator apa?

Sander: tau ale

Acim: Alexander e, jang se ulang paleu deng tau ka tar tau tuh lai

Sander: la barang beta mau bilang apa abang? Atorang su tadudu, dong tar turut deng sagala bae. La laeng kas salah laeng, laeng kas takotang laeng. Rayat nih mau turut atorang, mar dong lia ka atas lai toh.

Acim: batul. Umpama jarong

Sander: jarong?

Acim: jarong tuh lurus, alus, tajang di ujung

Sander: lalu?

Acim: se musti badiri lurus sang jarong. La kalu tikang, tambus, mar jang lupa, itu par kas tatutu baju yang tarobe, kas bale di akang pung biji manjai. Kalu mau iko atorang, se musti biking batul la musti nanaku babae. Tagal se salah sadiki sa, ujung jare badarah.

Sander: akang maksud apa abang?

Acim: tau ale

Sander: mulai kumbali

Acim: su tau tuh, dengar la turut, lia la biking, jang pura-pura tuli deng jang pura-pura buta

Baca Juga

error: Content is protected !!