Sekilas Info

TALI HULALENG

KAHAROSANG

Orangtatua deng basudara tuang hati jantong!

Sander nih dia su tar manahang par tinggal di rumah. Tau jua toh, kaki baminya, mar tagal amper ampa bulang sepe-sepe di rumah jadi su amper sasila nih.

Acim: Sander e, se su stel mooi nih barang ada kumpulang di sapa rumah?

Sander: Kumpulang apa? Tar ada

Acim: kalu tar ada la mau hentar diri ka mana? Mau tar indahkan atorang lai? Biking apapa tuh jang iko diri pung kaharosang

Sander: Abang, oras nih bukang, tinggal di rumah, mau dapa apa? Anana skarang bilang “sapa mau help?” Jadi loko bawa buang dong pung atorang-atorang tuh, beta mau pi ka bendar

Acim: se pi bendar barang se nih amtenar di mana? Se karja di SeKase ka Kantor Pos? Tar pung karja apapa satu di bendar, la mau pi par biking pono jiko-jiko bendar par apa?

Sander: o barang yang ka bendar tuh cuma yang pung pangkat ka yang karja di kantor? La macang katong nih tar boleh?

Acim: sapa bilang tar boleh? Mar kalu se pi bendar cuma par turut se pung kehendak deng kaharosang, pi jua par kore gayang apa di sana?

Sander: pi jua. Kaki beta pung, kepeng par bayar oto jua tar minta dari orang, la abang mau maniso apa par tagor beta?

Acim: Sapa ada tagor os? Se su lia pohong pisang?

Sander: mulai deng umpama kumbali

Acim: manyao sa, jang bale soal

Sander: sudah! Mangapa?

Acim: nah, beta kas inga sa, jang sampe se sama pohong pisang yang barana tar ada laki

Sander: abang pung maksud apa?

Acim: kalu mau turut kaharosang, ingatang jang pulang bawa penyaki

Sander su tar tau mau manyao apa lai. Dia dalang hati: “tua bangka satu nih dia kalu taru kata par orang bukang, katong tar bisa par pikir hal laeng lai”

Acim: satu lai par se nih e, la abis ini kalu se mau bajalang ka bendar, loko bajalang ka sana

Sander: seng abang e, beta jua su bale timbang abang kata-kata nih

Acim: Ingatang: “Kalu tar ada apapa, jang biking apapa, tagal nanti jadi apapa la tar tau mau biking apa”. Barangkat sana!

Sander su tar bisa angka kaki lai, macang ada tasangko tali bulang di batu sao sa.

Acim: Hidop tuh bagus turut apa yang ada, jang turut kaharosang!

Baca Juga

error: Content is protected !!