Sekilas Info

TALI HULALENG

MAENG STENGAH

Orangtatua deng basudara tuang hati jantong!

Kalu keadaan nih tarus bagini, par skang Sander deng Acim momou nih. Hati su nai-nai paskali par dudu kewel di teras, mar tar bisa tagal taku bakudekat. Jadi dong dua dudu di teras masing-masing la laeng tarewas laeng:

Acim: Sander e, ujang nih mar beta lia kalmaring dong maniso apa di terem bal tuh?

Sander: maniso. Jang batanya

Acim: he, barang mangapa? Osorang tuh kapala batu, tar dengar dengarang. Marinyo bataria tita slak par slak mar sorang kaki tinggal baminya

Sander: story sang caritas a, abang nih

Acim: sorang tuh, larang macang suruh

Sander: ya tuhang, barang tau katong biking apa di terem bal kalmaring?

Acim: mau maeng mutel ka, enggo lari ka, beta barang pastiu apa deng seorang pung tabiat tar manir tuh

Sander: tagal itu, ondersuk babae do supaya jang mulu babanting iko suka

Acim: kong apa?

Sander: Apa?

Acim: jawab! Jang tanya bale

Sander: kalmaring tuh samua kumpul par iko arahan

Acim: bukang maeng bola?

Sander: mau? Loko baju oranje tuh la pi maeng? Dukung Balanda toh? Adaharos yang sampe final mar pulang capatu malintang di muka dada sama rante

Acim: Sander e, jang biking babingong o. Itu kalmaring ada arahan apa???

Sander: tar jadi!

Acim: he, la sorang pi bakumpul tuh

Sander: tar jadi!

Acim: barang???

Sander: dudu tado di rumah situ, la jang tarewas-tarewas, skang gargantang karing, babatu labrak la kira corona

Acim: se nih bukang, story apapa tuh kabor tarus

Sander: dudu tado di rumah situ. Jang talalu perhatikan orang. Jaga diri la jaga makang sa, loko kalu mau bico, bico ka sana

Acim: se biking beta tambah babingong sa

Sander: sudah, beta jua ada bingong deng keadaang nih, jadi dudu tado di rumah sa

Acim: oh, kalmaring tar jadi pengarahan

Sander: jadi

Acim: la dong bilang apa?

Sander: dudu tado dalang rumah. Kalu bola, dong masih maeng stengah, seng foll jadi salah jaga punggul bola dalang gol deng bakol

Acim: tuang dosa jua (topu testa)

Sudah toh? Jang maniso dolo. Dudu tado dalang rumah dolo jua

Baca Juga

error: Content is protected !!